Forseti (Halldór Blöndal):
Borist hefur svohljóðandi bréf frá formanni þingflokks framsóknarmanna, Hjálmari Árnasyni, dags. 29. apríl 2004:
,,Þar sem Siv Friðleifsdóttir umhverfisráðherra, 5. þm. Suðvesturkjördæmis, er erlendis í opinberum erindum og getur því ekki sótt þingfundi óska ég eftir því, með vísan til 2. mgr. 53. gr. þingskapa, að varamaður hennar á lista Framsóknarflokksins í Suðvesturkjördæmi, Páll Magnússon, taki sæti hennar á Alþingi á meðan.
Virðingarfyllst,
Hjálmar Árnason, formaður þingflokks framsóknarmanna.``
Páll Magnússon hefur áður tekið sæti á Alþingi og er boðinn velkominn til starfa.
Þá hefur borist svohljóðandi bréf frá þingflokksformanni Sjálfstfl., Einari K. Guðfinnssyni, dags. 29. apríl 2004:
,,Þar sem Sólveig Pétursdóttir, 5. þm. Reykjavíkurkjördæmis suður, er erlendis í opinberum erindum og getur því ekki sótt þingfundi óska ég eftir því, með vísan til 2. mgr. 53. gr. þingskapa, að 2. varamaður á lista Sjálfstæðisflokksins í Reykjavíkurkjördæmi suður, Guðrún Inga Ingólfsdóttir hagfræðingur, Reykjavík, taki sæti hennar á Alþingi á meðan en 1. varamaður á listanum situr nú á Alþingi.
Virðingarfyllst,
Einar K. Guðfinnsson, formaður þingflokks Sjálfstæðisflokksins.``
Kjörbréf Guðrúnar Ingu Ingólfsdóttur hefur þegar verið rannsakað og samþykkt en hún hefur ekki áður tekið sæti á Alþingi og ber því að undirskrifa drengskaparheit að stjórnarskránni.