Helgi Hjörvar (andsvar):
Hæstv. forseti. Ég þakka fyrir svörin svo langt sem þau ná. Ég ítreka þó spurninguna til formanns samgn.: Hvers vegna er ekki tollgæsluyfirvöldum eða lögregluyfirvöldum falið þetta hlutverk fremur en höfnunum? Ekki eru flugvöllunum faldar þessar skyldur þegar fólk kemur þá leiðina inn í landið. Það er einkennilegt að annað eigi að gilda um farþega skemmtiferðaskipa en farþegaflugvéla til að mynda.