[prenta uppsett í dálka] 108. fundur, 130. lþ.
Sigurjón Þórðarson (andsvar):
Frú forseti. Það kom fram í máli hv. þm. að hann hefði miklar áhyggjur af samþjöppun og hlutleysi fjölmiðla. Í framhaldi af því langaði mig að spyrja hv. þm. hvort hann hefði ekki áhyggjur af því að nú hefði sami flokkur, Sjálfstfl., farið með stjórn í menntmrn. í 18 af rúmum 20 árum og þar með haft talsverð áhrif á sjónvarpið. Mig langaði að spyrja hann hvort hann teldi að þetta gæti haft áhrif á hlutleysi ríkissjónvarpsins.
Í framhaldi af því, vegna þess að hann hafði miklar áhyggjur af fákeppni, væri fróðlegt að vita hvort hann telur að Stöð 2 og Sýn hafi markaðsráðandi stöðu.
