[prenta uppsett í dálka] 109. fundur, 130. lþ.
Arnbjörg Sveinsdóttir (andsvar):
Hæstv. forseti. Enginn þarf að efast um að ég berst með oddi og egg gegn allri gjaldtöku sem hugsanlega er verið að leggja á atvinnulífið. Í þessu tilfelli hins vegar varð ekki undan þessu vikist. (Gripið fram í: En breytingin á ...) Við komumst að því í vinnu nefndarinnar að aðferðin sem þarna er farin væri sú hagkvæmasta til þess að kostnaður við þessa innleiðingu yrði sem minnstur. Við vitum það manna best í Sjálfstæðisflokknum að hádegisverðurinn er aldrei ókeypis og að á endanum lendir þessi kostnaður á neytendum. Þess vegna leggjum við afar mikið á okkur til þess að öll þessi umsýsla megi verða sem minnst og að hagkvæmni verði leitað sem víðast, ef hv. þm. Össur Skarphéðinsson má vera að því að hlusta á mitt mál. Það er stefna okkar og við höfum ekkert breytt þeirri stefnu, hv. þingmaður.
