[prenta uppsett í dálka] 109. fundur, 130. lþ.
Frsm. meiri hluta sjútvn. (Guðjón Hjörleifsson) (andsvar):
Virðulegi forseti. Ég veit nú ekki hvert umræðan er komin, en ég vil sérstaklega taka fram varðandi þá álagningu innan ársins sem lögð er á 1. september að það er tekjufært á árinu. Það er ekki ástæða til þess, eins og fram kom hjá hv. þm. Jóhanni Ársælssyni, að fara að taka þetta mál aftur fyrir í sjútvn. Ef upplýsingar liggja fyrir í ráðuneytinu verður rætt um málið. Að öðru leyti vil ég segja að það voru það margir aðilar sem voru á tillögunni um breytingar á Þróunarsjóðunum að mér finnst eðlilegt að við ræðum það í nefndinni. Það er sjálfsagt mál án þess að nokkur ákvörðun sé tekin í því máli.
