[prenta uppsett í dálka] 110. fundur, 130. lþ.
Utanríkisráðherra (Halldór Ásgrímsson):
Frú forseti. Mér finnst alveg fráleitt að umræðan skuli fara fram að fjarstöddum hæstv. dómsmrh. þegar hv. þm. vita að hæstv. dómsmrh. gat ekki verið hér. Hæstv. dómsmrh. hefur lýst því yfir að fara þurfi yfir álit umboðsmanns í málinu og hugsanlega gera einhverjar breytingar í framhaldi af því. Eigum við ekki að gefa hæstv. dómsmrh. tíma til að fara yfir málið? Eigum við ekki að gefa okkur öllum tíma til þess? Mér finnst umræðan í dag vera ástæðulaus og fráleitt að hún skuli fara fram að fjarstöddum hæstv. ráðherra því hv. þm. eru að tala við dómsmrh. (Gripið fram í: Nei.) Hv. þm. hafa aðallega verið að tala við dómsmrh. (SJS: Ég talaði við þig áðan.) (Gripið fram í: Og utanrrh.) Já, þess vegna tók ég til máls. (Gripið fram í.) Ég heyri að hv. þm. hafa almennt afskaplega litla þolinmæði til þess að hlusta á aðra. Kannski var hugmyndin hjá hv. þm. sem hér hafa tekið til máls að hlusta fyrst og fremst á sjálfa sig og því ástæðulaust að hæstv. dómsmrh. væri viðstaddur. (Gripið fram í.)
