Forseti (Jóhanna Sigurðardóttir):
Forseti vill að gefnu tilefni einnig taka fram að sá fundur sem kallað hefur verið eftir er kl. 8.15 í fyrramálið. Það er ekki eins og þessari umræðu sé að ljúka. Hún hefur staðið í fjórar klukkustundir. Fjórir hv. þingmenn hafa talað og 19 hv. þingmenn eru á mælendaskrá. Með sama áframhaldi, þó að umræðunni yrði stanslaust haldið áfram, lyki henni ekki fyrr en um eftirmiðdaginn á morgun. Það stefnir þess vegna í að álit menntmn., ef hún skilar af sér, komist inn í þessa umræðu.
Forseti vill ítreka þá ósk sína að við getum haldið áfram með mælendaskrána.