Forseti (Halldór Blöndal):
Ég vil biðja hv. þingmann að ávarpa forseta Alþingis með réttum hætti.
Ég ítreka jafnframt það sem ég áður sagði, það er réttur hvers þingmanns sem í nefnd situr að gefa út nefndarálit í sínu nafni hvenær svo sem honum sýnist og það er misskilningur hjá hv. þingmanni að 2. mgr. 27. gr. þingskapa skerði þann rétt.
Að hinu leytinu bregður nýrra við á Alþingi ef það er minni hluti Alþingis sem krefst þess af forseta að hann reyni að ganga á rétt minni hlutans. Einstakir þingmenn eiga sinn rétt, stjórnarskrárvarinn rétt, og ég hyggst halda þann rétt í heiðri á meðan ég sit á forsetastóli.