[prenta uppsett í dálka] 115. fundur, 130. lþ.
Helgi Hjörvar:
Herra forseti. Ég vil í upphafi fá að þakka hæstv. forseta fyrir þá almennu kurteisi sem hann sýndi mér við upphaf fundarins. Það er þakkarvert að forseti Alþingis komi með þessum hætti fram við þingmenn og leiðbeini okkur.
Ég hef hins vegar óskað eftir því að hér kæmi til fundarins hæstv. forsrh. til að ræða frétt sem var í blaði í morgun og varðar umboðsmann Alþingis og sjálfstæði þingsins. Ég hef rætt það við aðstoðarmann hæstv. forsrh. sem taldi að trúlega yrði hæstv. forsrh. á ríkisstjórnarfundi í upphafi þingfundar. Ég vildi spyrja hæstv. forseta hvort það væri rétt og hvort þingmönnum væri ekki lögskipað að sækja þingfundi og hvort ríkisstjórnarfundir og þingfundir eigi að fara fram á sama tíma. Ég bið hann um leiðsögn í því eins og öðru.
