[prenta uppsett í dálka] 115. fundur, 130. lþ.
Birgir Ármannsson (andsvar):
Virðulegi forseti. Ég held að þetta sé ekki vandamál. Í þessu sambandi erum við auðvitað að tala um einstakling í atvinnurekstri, sem telst fyrirtæki í skilningi orða samkeppnislaga. Þannig er þetta í raun ekkert vandamál. Það sem hv. þm. var að vísa til í ræðu sinni voru auðmenn sem reka í eigin nafni ljósvakamiðla í atvinnuskyni. Ég held því að það dæmi sem hv. þm. Jóhann Ársælsson vísaði til í ræðu sinni eigi á engan hátt við í því sambandi sem hann ræddi það.
