[prenta uppsett í dálka] 116. fundur, 130. lþ.
Ingibjörg Sólrún Gísladóttir (andsvar):
Virðulegur forseti. Ég sagði í ræðu minni í dag að hinn pólitíski ófriður hefði gengið of langt. Hinn pólitíski ófriður á Alþingi og í þjóðfélaginu hefur gengið of langt í þessu máli og það gerðist í gær. Það gerðist í gær að það urðu skil í málinu og það gerðist í viðtali hæstv. forsrh. í Ríkisútvarpinu í gærkvöldi. Ég held að allir hér inni skilji það og ég held að allir úti í samfélaginu skilji það. Það var innsiglað í umræðunni í dag hversu langt þetta er gengið. Það var innsiglað í þeim dylgjum og þeim óhróðri sem yfir okkur hefur verið velt hér af hæstv. ráðherrum, dómsmrh. og forsrh.
Ég verð að endurtaka það sem ég sagði í dag við þessa ágætu herramenn: Ekki meir, ekki meir. Takið þetta mál út (Forseti hringir.) og reynum að ræða það á skynsamlegum nótum en ekki með óhróðri og dylgjum og illmælgi.
