[prenta uppsett í dálka] 118. fundur, 130. lþ.
Ögmundur Jónasson (andsvar):
Hæstv. forseti. Þetta var ágæt áminning til okkar allra um það hvers vegna stjórnmálaflokkurinn Vinstri hreyfingin -- grænt framboð var stofnaður vinstra megin við Samfylkinguna því hér er verið að boða óhefta markaðshyggju. Markaðslögmálin eru algild. ,,Þau hafa sannað sig og þeim á að beita óheft á öllum sviðum þjóðlífsins.`` Þetta var hv. þm. að segja.
Ég vil spyrja um eitt þegar talað er um að hafa trú á íslenskum bændum. Er það ekki að hafa trú á íslenskum bændum að ganga til samninga við samtök þeirra og er það ekki að hafa trú á íslensku samfélagi almennt að ganga til samninga við helstu samtök launafólks í landinu og hafa þau með í ráðum um gerð þessara samninga? Vísa ég þar til BSRB og ASÍ sem hafa (Forseti hringir.) komið að umræðu og mótun umgjarðarinnar í þessu efni.
