[prenta uppsett í dálka] 118. fundur, 130. lþ.
Einar K. Guðfinnsson (andsvar):
Virðulegi forseti. Þetta er ekki í fyrsta skipti sem mér tekst ekki að gera mig skiljanlegan gagnvart hv. þingmanni. Ég hef tekið eftir því að þegar hann vitnar í það sem ég hef sagt og skrifað er það yfirleitt í formi einhvers konar útúrsnúnings þannig að það út af fyrir sig kemur mér ekkert á óvart. En ég taldi mig hafa talað býsna skýrt í þessum efnum.
Ég fór yfir þetta mál, ég gerði grein fyrir sjónarmiðum mínum, gerði grein fyrir því ... (Gripið fram í.) --- ég er að tala hérna, ég fór yfir þetta mál og útskýrði nákvæmlega hvernig þessu viki við. Ég sagði líka áðan að aðalatriðið, eins og niðurstaðan var í þessum efnum, væri það að hér væri um að ræða jafngilda eða sambærilega kosti og þá mundu auðvitað útgerðarmennirnir velja á þeim grundvelli. Ég er alveg sannfærður um að við slíkar aðstæður sé hægt að búa til útfærslu á þessu frv. sem tryggir nákvæmlega þá hagsmuni sem ég vil tryggja, þ.e. hagsmuni byggðanna í kringum landið.
