[prenta uppsett í dálka] 120. fundur, 130. lþ.
Forsætisráðherra (Davíð Oddsson) (andsvar):
Frú forseti. Hv. þm. sagði að orð skuli standa. 2. desember 2003 flutti hv. þm. ræðu hér sem ég ætla að vitna í, með leyfi forseta:
,,... það er skoðun mín og ég hugsa að það sé skoðun margra í þingflokki mínum að aðilar í atvinnugreinum hvort sem það eru sterkustu aðilarnir í sjávarútvegi, sterkustu aðilarnir í verslun eða þeir sem núna hafa eignast íslenska bankakerfið --- að slíkir aðilar geti bundist jafnvel samtökum um að eiga fjölmiðla.``
Svo hélt hv. þm. áfram, með leyfi forseta:
,,Mér finnst það liggja þó nokkuð öðruvísi við hvernig eignarhaldi og ráðandi áhrifum manna á slíkum fjölmiðlum er ráðið til lykta vegna þess að það er auðvitað hægt að misnota vald sitt ef menn eru stórir eignaraðilar ...``
Getur hv. þm. hjálpað mér að rifja upp hver það var sem flutti þessa ræðu 2. desember 2003?
