[prenta uppsett í dálka] 127. fundur, 130. lþ.
Frsm. allshn. (Bjarni Benediktsson):
Virðulegi forseti. Ég mæli fyrir frv. til laga um breyting á almennum hegningarlögum sem lagt er fram af allshn.
Frv. þetta hefur verið unnið í dómsmrn. og er byggt á drögum sem þeir Jónatan Þórmundsson og Róbert Spanó lögðu fram. Einhugur var í allshn. um að leggja þetta mál fram á þinginu og í stuttu máli fjallar frv. um það að að kröfu ákæranda geti dómstóll úrskurðað að maður sem hlotið hefur reynslulausn skuli afplána eftirstöðvar refsingar ef hann á reynslutíma rýfur gróflega almennt skilyrði reynslulausnar enda liggi fyrir sterkur grunur um að hann hafi framið nýtt brot sem varðar tiltekið lágmark sem tilgreint er í frv.
Ég vek athygli á að frv. fylgir mjög ítarleg greinargerð þar sem farið er yfir öll þau sjónarmið sem liggja málinu til grundvallar og ég mælist eindregið til þess að það fái hraða og örugga afgreiðslu á þinginu.
