Frsm. meiri hluta sjútvn. (Guðjón Hjörleifsson) (andsvar):
Virðulegi forseti. Forsendur breyttust í meðferð málsins og teknar voru upp viðræður við Landssamband smábátaeigenda. Það var alveg ljóst að menn þar töldu öryggisákvæði í frv. með þeim hætti að félagsmenn þeirra vildu frekar fara í aflamark. Þess vegna var niðurstaðan að vinna málið út frá því að reynt yrði að loka kerfinu og auka hlutdeildina sem endaði í 9.500 tonnum og 300 tonnum í sértækar aðgerðir.