Frsm. meiri hluta sjútvn. (Guðjón Hjörleifsson) (andsvar):
Virðulegi forseti. Þetta er ekki rétt. Ég hafði umboð meiri hluta sjútvn. til að vinna með ráðuneytinu að þessu máli og var á fundum með Landssambandi smábátaeigenda.
Frumvörp hafa oft tekið breytingum í meðförum Alþingis. Þetta eru veigamiklar breytingar, það er alveg rétt. (Gripið fram í.) En það verður líka, hv. þm. Jón Bjarnason, að athuga að við höfum líka hlustað á menn sem eru í þessari atvinnugrein. Þeir eru margir orðnir þreyttir á þessu og þeir eru líka búnir að sannfæra okkur um að það eru miklir möguleikar og meiri að fara yfir í aflamarkið heldur en vera í sóknardagakerfinu. (Gripið fram í.)