Guðjón Hjörleifsson (um atkvæðagreiðslu):
Virðulegi forseti. Ég fagna því að niðurstaða er að komast í málefni sóknardagabáta og að allri óvissu er eytt hjá viðkomandi aðilum. Þeir eru að fá verulegar aflaheimildir sem munu styrkja smábátaútgerð enn frekar. Þeir fara í krókaaflamarkskerfi sem hefur reynst vel hjá þeim 400--500 bátum sem eru í því kerfi og ber að fagna þessari breytingu sérstaklega.