Dagný Jónsdóttir:
Virðulegi forseti. Ég vil í örfáum orðum fagna mjög þessari stefnu hæstv. landbrh. sem kemur hér fram í stofnun Landbúnaðarháskóla Íslands. Skoðun mín er sú að þetta muni án efa styrkja landbúnaðarmenntun og rannsóknir í landinu og að því hljótum við öll að stefna.
Ég fagna því einnig að hv. landbn. kemur hér með breytingu um að fjölgað verði um tvo fulltrúa í háskólaráði þannig að starfsmenn tilnefni einn og nemendur einn. Það er í samræmi við lög um háskóla.
Ég vil segja enn fremur að staða skóla undir landbrn. er góð. Við ætlum að halda áfram á þeirri braut enda er það stefna hæstv. landbrh. sem og hv. landbn.