Gunnar Örlygsson (andsvar):
Frú forseti. Hv. þm. Kristinn H. Gunnarsson er að reyna að draga athygli þessa máls frá kjarna málsins. Það liggur fyrir í þinginu frv. frá Frjálsl. og Vinstri grænum um 23 daga gólf í sóknardagakerfi. Ekki hef ég séð, frú forseti, hv. þm. Kristinn H. Gunnarsson, nú á síðustu dögum þingsins, ganga fram eins skörulega og hann gerði í fjölmiðlamálinu og lýsa yfir vilja sínum, staðföstum vilja sínum um að það mál, mál Frjálsl. og Vinstri grænna, nái fram að ganga í þinginu.