Sjávarútvegsráðherra (Árni M. Mathiesen):
Herra forseti. Nú er umdeilt mál komið til lokaatkvæðagreiðslu. Það fer ekki hjá því í svo umdeildum málum að erfitt sé að komast að niðurstöðu. Svo hefur verið í þessu máli. Hér hafa margir komið að til að ná góðri niðurstöðu og ég er þakklátur öllum þeim sem lagt hafa hönd á plóg. Ég held að við höfum náð góðri niðurstöðu sem muni styrkja þau byggðarlög sem í hlut eiga, styrkja þau í að takast á við þá baráttu sem þau hafa átt í og munu eiga í í framtíðinni. Það er ekki auðvelt að vera lítið byggðarlag í dreifbýli á Íslandi. Þess vegna segi ég já, herra forseti.