[prenta uppsett í dálka] 136. fundur, 130. lþ.
Arnbjörg Sveinsdóttir (andsvar):
Hæstv. forseti. Mín persónulega skoðun er sú að það eigi að afnema þennan rétt. (MÁ: Er einhver önnur skoðun til en persónuleg?) Ég reikna hins vegar með því að eiga eftir að fara í umræður um það og hugsanlega má skoða einhver einstök skilyrði fyrir því að forseti geti beitt þessu valdi. Ég reikna með því að menn nálgist málið á þeim grunni.
Það hefur verið kallað eftir því hér í dag að menn færu með opnum huga inn í þær umræður að endurskoða stjórnarskrána og það mun ég gera eins og væntanlega allir hv. þm. sem eiga sæti á Alþingi. Ég ætla ekki að gefa mér fyrir fram niðurstöðu úr þeirri skoðun. Það hlýtur að vera réttur okkar að taka þátt í þeirri umræðu og ná niðurstöðu eftir það.
