Sólveig Pétursdóttir (andsvar):
Hv. þm. þarf ekki að snúa út úr fyrir mönnum. Það er enginn að tala um að sú niðurstaða sem þjóðin kæmist að í þjóðaratkvæðagreiðslu yrði annað en rétt og lýðræðisleg. Engu að síður fannst mér rétt að benda á þessi dæmi, þar sem hv. þm. hefur svo mjög gert þetta fyrirbæri, þjóðaratkvæðagreiðslu, að umræðuefni.
En ég fagna því hins vegar að hv. þm. telji ekki ástæðu til að líta til Sviss sem fyrirmyndarþjóðríkis í þessum efnum.