[prenta uppsett í dálka] 5. fundur, 130. lþ.
Sigurlín Margrét Sigurðardóttir:
Herra forseti. Ég vil koma með ábendingu til utanrrh. um verkefni í þróunarhjálp. Ísland getur lagt sitt af mörkum og aðstoðað við þróunarhjálp heyrnarlausra og annað sem snýr að málefnum fatlaðra í þróunarlöndum. Sérstaklega mætti skoða þessa málaflokka í Írak og Afganistan, svo einhver lönd séu tekin sem dæmi.
Landssamtök heyrnarlausra á Norðurlöndum hafa í mörg ár átt samvinnu við þróunarsamvinnustofnanir í sínum löndum og sinnt málefnum heyrnarlausra í þróunarlöndum, t.d. komið upp skólum fyrir heyrnarlausra, blinda og aðra hópa fatlaðra.
Ég vil bara góðfúslega fá að benda á þetta sem hentug verkefni í þessari umræðu því þróunarhjálp hvers konar má skoða í víðara samhengi en því að kenna Afríkumönnum fiskveiðar.
