[prenta uppsett í dálka] 7. fundur, 130. lþ.
Sigurjón Þórðarson:
Virðulegi forseti. Mér finnst hæstv. félmrh. hefja starf sitt með undarlegum hætti. Ég veit ekki betur en Framsfl. hafi verið með kjörorðið ,,Vinna -- vöxtur -- velferð``. Og á hverju byrjar hann? Hann byrjar á því að ráðast á kjör atvinnulausra til þess að geta átt fyrir skattalækkunum þeirra sem hafa hæstu tekjurnar. Er þetta velferðin sem Framsfl. boðaði?
Síðan höfum við fengið þær upplýsingar á síðustu dögum að það sé til nóg af peningum næstu árin. Er þetta forgangsröðin sem Framsfl. boðaði í síðustu kosningum? Ég segi nei. Það var allt annað hljóð hér í vor.
