Fjármálaráðherra (Geir H. Haarde):
Herra forseti. Ég vil byrja á því að þakka fyrir þessa umræðu öllum þeim sem hafa greitt fyrir því að hún skuli nú komin að leiðarlokum. Hér við 1. umr. hafa komið fram margar ágætar athugasemdir í umræðunni sem ég treysti að efh.- og viðskn. muni skoða. Ég sé ekki ástæðu til að fara í saumana á einstökum atriðum. Auðvitað er alveg ljóst að um mál sem þetta er pólitískur ágreiningur, hann verður ekki leystur í ræðustól þingsins, en ég treysti því að öll sjónarmið sem eiga rétt á sér verði skoðuð málefnalega í þingnefndinni.