[prenta uppsett í dálka] 22. fundur, 130. lþ.
Frsm. meiri hluta landbn. (Drífa Hjartardóttir) (andsvar):
Hæstv. forseti. Ég sagði það áðan að það væru 6 millj. vegna þess að það lokaðist fyrir allan útflutning. En á minnisblaði sem við höfum frá Landssambandi fiskeldisstöðva kemur fram að söluverðmæti afurða frá fiskeldisstöðvum árið 2003 er áætlað 2,4 milljarðar, á næsta ári er reiknað með að söluverðmæti verði um 3 milljarðar og árið 2006 er áætlað að söluverðmæti afurða fari yfir 6 milljarða. Til samanburðar nefna þeir að aflaverðmæti allra skipa og báta á Vestfjörðum er rúmir 6,4 milljarðar. Það eru því sannarlega miklir hagsmunir í húfi á báða bóga.
