[prenta uppsett í dálka] 24. fundur, 130. lþ.
Sjávarútvegsráðherra (Árni M. Mathiesen) (andsvar):
Herra forseti. Ég gleymdi að svara einu atriði í spurningu hv. þm. Guðjóns A. Kristjánssonar áðan og hann minnti mig á það núna í ræðu sinni, það er varðandi upptökuaflann úr sjóðnum vegna gjaldtöku á ólögmætum sjávarafla. Sú upphæð hefur minnkað hin síðari ár, þannig að á þessu fimm ára tímabili sem tilgreint er eru upphæðirnar hærri en á þessu ári og því síðasta. Ég er ekki með tölurnar fyrir hvert ár, en ég fer með þetta eftir minni á þennan hátt.
Það er rétt hjá hv. þm. að menn þekkja skoðanir hans og hans flokks á fiskveiðistjórnarkerfinu. Hann ætlaði ekki að fara lengra út í það í þessari umræðu. Menn þekkja líka mínar skoðanir á því kerfi, þar af leiðandi ætla ég heldur ekki að fara lengra út í þá umræðu hér.
