Ásta R. Jóhannesdóttir:
Virðulegi forseti. Vegna umræðunnar um heilsugæsluna vil ég minna á það, að það er víðar sem vantar heilsugæslu fyrir íbúa, fjöldi Reykvíkinga er án heilsugæslustöðva, þó svo það séu ýmsar úrbætur fram undan í þeim efnum, þá hafa í mörg, mörg ár, heilu hverfin verið án heilsugæslu.
Mig langaði, vegna þessarar umræðu, að spyrja hæstv. ráðherra hvort stöður heilsugæslulækna á heilsugæslustöðvunum í Reykjavík verði auglýstar, því nú fer ráðningartími heilsugæslulækna að renna út á næstunni og vil því gjarnan vita hvort þær verði auglýstar opinberlega.