[prenta uppsett í dálka] 28. fundur, 130. lþ.
Iðnaðarráðherra (Valgerður Sverrisdóttir):
Hæstv. forseti. Í rauninni er það ekki mitt að svara fyrir þetta vegna þess að hæstv. fjmrh. fer með mál er varða þungaskatt og hugsanlegt olíugjald sem er á frv. sem er til umfjöllunar hjá stjórnarflokkunum. Hins vegar hefur ríkisstjórnin heimilað að senda málið til þingflokkanna til umfjöllunar. Þetta mál er óútrætt og það er rétt að allar líkur eru á því, miðað við útreikninga sem ég hef séð, að þetta geti hækkað rekstrarkostnað þeirra fyrirtækja sem starfa í greininni. Ég hef í sjálfu sér ekki meira um það að segja. Þetta mál er til umfjöllunar hjá stjórnarflokkunum.
