Sigurjón Þórðarson (andsvar):
Herra forseti. Nú liggur ljóst fyrir að forstöðumenn stofnana beita þessum þunglamalegu reglum í öllum sínum athöfnum varðandi stjórn á hinum og þessum þáttum þjóðfélagsins. Mér finnst ótrúlegt að heyra það hjá hæstv. ráðherra að það sé of þunglamalegt að beita þessum reglum sem voru framfaraspor í íslenskri stjórnsýslu, að forstöðumönnum sé ómögulegt að beita þeim gagnvart starfsmönnum sínum. Mér finnst það óásættanleg skýring.