[prenta uppsett í dálka] 31. fundur, 130. lþ.
Þuríður Backman:
Herra forseti. Ég þakka fyrir þessa fyrirspurn og svör ráðherrans. Ég vil að það komi hér fram að það er mjög mikilvægt að fram fari einstaklingsbundið mat á því hvaða þörf viðkomandi einstaklingur hefur fyrir hjálpartæki, það geti í þessu tilfelli innan Hjálpartækjamiðstöðvarinnar þar sem ráðgjafi eða ráðgjafar fara yfir það með einstaklingnum, sem hefur í þessu tilfelli greinst með krabbamein og gengið í gegnum meðferð, hvaða hjálpartæki gagnist honum best. Það þarf að setja upp þarfaáætlun fyrir þann einstakling og hún á að ráða í raun og veru hvað varðar hjálpartæki og endurgreiðslu Tryggingastofnunarinnar. Þarfir manna eru misjafnar og hvað varðar brjóstapúða og sundföt fer það auðvitað eftir lífsstíl einstaklingsins. Þetta á allt saman að vera til þess að auka lífsgæði.
