Drífa Hjartardóttir:
Herra forseti. Vegna þeirrar umræðu sem fer hér fram vil ég láta þess getið að styrkveitingar frá Byggðastofnun eru afar litlar, þar er úr mjög litlum fjármunum að spila. Styrkir í svona stór verkefni mundu engan veginn nægja til. Það hleypur allt á hundruðum þúsunda kr. sem verið er að styrkja þar.
Aftur á móti hefur Byggðastofnun samþykkt reglur um aðkomu að reiðhöllum sem er þá í formi hlutafjár eða lána en ekki neinna styrkveitinga í reiðhallir, enda er ekki þeim fjármunum úr að spila. En reglurnar um hlutafélög og lán fara bara eftir almennum reglum.