Helgi Hjörvar (andsvar):
Virðulegur forseti. Hæstv. heilbrrh., á undanförnum átta árum hafið þið fyrir löngu síðan sparað þessar þúsund millj. á lífeyrisþegum. Það sem þið lofuðuð var tvöföldun á tekjutryggingu ungra öryrkja og það er alveg skýrt hvað hæstv. ráðherra hefur sagt í dag. Hann hefur sagt að hann geti ekki efnt samkomulagið frá 25. mars sl., hann verði að áfangaskipta því vegna þess að hann hafi ekki heimildir í fyrirliggjandi frv. til þess að efna það. En í kosningabaráttunni talaði enginn um að áfangaskipta efndunum. Þá krossaði hæstv. heilbrrh. sig og lofaði mönnum efndum á þessu samkomulagi hinn 1. janúar nk. og hæstv. heilbrrh. getur ekki áfangaskipt æru sinni.