[prenta uppsett í dálka] 33. fundur, 130. lþ.
Birkir J. Jónsson (andsvar):
Hæstv. forseti. Það gefst ekki langur tími til þess að svara öllum þeim spurningum sem hv. þm. lagði hér fram. En ég vil taka sérstaklega fram að hækkun á sjúklingagjöldum úr 400 kr. upp í 500 kr., að mig minnir, hundrað króna hækkun, (Gripið fram í: 740 milljónir.) um 740 milljónir. Ég vil minna hv. þm. á það að árið 1999 voru þessi innritunargjöld um 800 kr. (Gripið fram í: 740 milljónir.) á verðlagi þess árs. Þannig að ef þú horfir á hlutina í samhengi á þessu árabili hafa sjúklingagjöld trúlega lækkað um 40 og eitthvað prósent, svo við reiknum þetta nú eitthvað sirka.
Auðvitað viljum við alltaf gera betur en við verðum að eiga innstæðu fyrir þeim hlutum, og þess vegna segi ég það að sú útgjaldaþensla sem ýmsir stjórnarandstæðingar hafa talað fyrir í dag, verður ekki til þess að létta okkur það verk að bæta kjör þeirra sem minnst mega sín.
