[prenta uppsett í dálka] 34. fundur, 130. lþ.
Álfheiður Ingadóttir:
Virðulegi forseti. Hér er á ferð tillaga um að hækka niðurgreiðslur á heyrnartækjum um 5 þús. kr., þ.e. upp í 33 þús. kr. í stað þess sem nú er, 28 þús. kr. Það hefur verið löng bið eftir afgreiðslu heyrnartækja í gegnum Tryggingastofnun ríkisins, allt að 13 mánuðir, nema, virðulegi forseti, fyrir þá sem geta keypt sig fram fyrir þá biðröð og reitt fram fé úr eigin vasa. Á þessu sviði búum við nefnilega við tvöfalt kerfi, við ameríska kerfið svokallaða, og ég tel það svartan blett á heilbrigðiskerfi okkar.
Þetta er lítið skref í þá átt að minnka þessa mismunun. Því segi ég já.
