Guðjón A. Kristjánsson:
Virðulegi forseti. Við göngum núna til atkvæða um eitt af frv. ríkisstjórnarinnar sem gengur algjörlega í berhögg við þá stefnu sem ríkisstjórnarflokkarnir boðuðu í kosningabaráttunni. Hér er verið að auka álögur og taka af þær uppbætur sem lífeyrisþegar hafa fengið í gegnum tryggingagjaldið. Álögur voru einnig auknar á almenning fyrir nokkrum dögum í sambandi við bensíngjaldið og eina skattalækkunartillaga ríkisstjórnarinnar er um séreignarskatta á hátekjur. Þetta er í algjörri andstöðu við það sem ríkisstjórnin var kosin út á. Frjálsl. mun greiða atkvæði gegn þessari tillögu.