Jóhanna Sigurðardóttir:
Herra forseti. Bæði ég og hv. þm. Bryndís Hlöðversdóttir kölluðum eftir því að boðað yrði til fundar í efh.- og viðskn. út af því máli sem við ræddum hér áðan. Ég tel afar mikilvægt að það verði gert vegna þess sem fram kom áðan, þ.e. að það á að ræða hér fjárlög klukkan hálftvö. Við höfum ekki fengið svar við því enn þá, herra forseti. Ég ítreka þá ósk mína að boðað verði til fundar í efh.- og viðskn. og vona að við fáum svar við því núna hvort það verði ekki örugglega gert.