Jón Bjarnason:
Virðulegi forseti. Þjóðin gladdist í vor eða á útmánuðum, í mars, þegar tilkynnt var samkomulagið sem gert hafði verið á milli ríkisstjórnarinnar og Öryrkjabandalags Íslands um að sérstaklega skyldi bæta og rétta kjör öryrkja og sérstaklega þeirra yngri í þeim hópi, en það skyldi síðan fylgja upp til 67 ára aldurs. Samkomulagið var kynnt með stolti og var ekki kynnt sem það væri liður í kosningabaráttu Framsfl.
Nú við 3. umr. fjárlaga á að svíkja öryrkja um 500 millj. kr. Menn eiga að standa við orð sín. Menn eiga að standa við gerða samninga. Orð skulu standa. Ég segi já.