[prenta uppsett í dálka] 43. fundur, 130. lþ.
Grétar Mar Jónsson:
Hæstv. forseti. Stjórnvöld telja ekki ástæðu til að endurskoða byggðaáætlun á Suðurnesjum. (Landbrh.: Hver segir það?) Það er í svarbréfi, landbrh., sem við fengum frá Byggðastofnun og byggðamálaráðherra. Ekki er talin ástæða til sérstaks átaks í atvinnuuppbyggingu á Suðurnesjum þrátt fyrir að þar séu 340 manns á atvinnuleysiskrá, 150 búnir að fá uppsagnarbréf og verða atvinnulausir eftir þrjá mánuði, fjölbrautaskólinn þurfi að vísa frá 150--200 nemendum og þótt fleiri og fleiri séu að bætast inn á atvinnuleysisskrá. Það er algert aðgerðarleysi af hálfu stjórnvalda. Þess vegna segi ég já. Við verðum að selja hlutinn í hitaveitunni til þess að reyna að byggja upp nýtt og betra atvinnulíf á Suðurnesjum.
