Guðjón A. Kristjánsson:
Virðulegi forseti. Við lokaafgreiðslu fjárlaganna gafst ríkisstjórnarflokkunum tækifæri til þess að laga einhvern hluta af því sem upp á vantar í fjárlagafrv. Það liggur algjörlega fyrir, virðulegi forseti, við lokaafgreiðslu þessara fjárlaga að á næsta ári mun ríkisstjórnarmeirihlutinn þurfa að koma hér inn með fjáraukalög til þess að stoppa í þau göt sem þeir höfnuðu núna að lagfæra. Fjárlagaafgreiðslan og lokaniðurstaða hennar er algjörlega á ábyrgð ríkisstjórnarinnar. Vissulega eru ákveðar tillögur til bóta en lokaniðurstaðan er verk ríkisstjórnarmeirihlutans. Við sitjum hjá.