Helgi Hjörvar (andsvar):
Virðulegur forseti. Hæstv. heilbrrh. er alltaf að skipta um skoðun í málinu, vegna þess að hér í þinginu í síðustu viku sagði hann ekki að samkomulagið hefði takmarkast við þúsund milljónir. Þá sagði hæstv. heilbrrh. að samkomulagið kostaði 1.500 milljónir á ári og af því að hann hefði bara 1.000 milljónir til ráðstöfunar á næsta ári, þá mundi hann láta 2/3 hluta koma til framkvæmda núna 1. janúar og síðari helminginn 1. janúar 2005 og bæta þá þeim 500 milljónum við sem á vantaði. En það frv. liggur ekki hér. Það var niðurstaða starfshópsins sem skipaður var á grundvelli samkomulagsins og sú niðurstaða og þær tillögur eru leyndó. Það má enginn sjá þær, lok, lok og læs og allt í stáli.