[prenta uppsett í dálka] 44. fundur, 130. lþ.
Pétur H. Blöndal (andsvar):
Herra forseti. Hér kvað við allt annan og nýjan tón, sáttatón. Ég er mjög ánægður með það. Og ég skora á hæstv. heilbr.- og trmrh. að taka í þessa sáttarhönd og búa til almennilegt kerfi, ekki svona vitleysu, kerfi sem tekur á þeim vanda sem um er að ræða, þ.e. hjá öryrkjum sem ekki ná framreikningi í lífeyrissjóði af því að þeir hafa ekki starfað í þrjú ár. Þeir eru miklu færri. Og það er hægt að gera betur við þá með þessum peningum heldur en að gusa þessu á alla, líka þá sem eru komnir með framreikning, því flestir Íslendingar, sem betur fer, eru komnir með framreikning í lífeyrissjóði þegar þeir verða öryrkjar.
