[prenta uppsett í dálka] 44. fundur, 130. lþ.
Heilbrigðisráðherra (Jón Kristjánsson) (andsvar):
Herra forseti. Þessar staðreyndir hafa verið margendurteknar. Málið er ekki eins flókið og það er lagt út hér í umræðunni. Samkomulagið sem var kynnt fyrir ríkisstjórn gerði ráð fyrir 1 milljarði kr. í kostnað, eða rúmum 1 milljarði.
Kostnaðarmat á útfærslu við þessa línulegu leið, sem mér var kynnt í ágúst, hljóðaði upp á 1,5 milljarða kr. Ég held að það verði að gera greinarmun á þessum meginatriðum. Það er verið að uppfylla samkomulagið en það er ekki verið að fara þá leið sem var verið að kostnaðarmeta. Það er meginmunur á þessu.
