Sjávarútvegsráðherra (Árni M. Mathiesen) (andsvar):
Herra forseti. Ef við tökum dæmi af heildarverðmæti 100 tonna þá er takmörkunin í dag við 5% af því eða verðmæti 5 tonna sem má færa yfir í aðrar tegundir. Það gætu þá verið 2% af keilu eða 2 tonn af keilu og 2 tonn af löngu gætu verið hluti af þessum 5 tonnum. En ef þessi breyting verður þá hefur ráðherra heimild til þess að lyfta takmörkunum á einstökum tegundum, eins og þessum tegundum, þannig að það gætu orðið 5 tonn af keilu eða 5 tonn af löngu sem mætti færa til eða einhver önnur samsetning á þessu, 3 eða 2 eða 2,5 tonn. (Gripið fram í.)