Gunnar Örlygsson (andsvar):
Virðulegi forseti. Ég tók eftir því í ræðu hv. þm. Kristins H. Gunnarssonar að hann vék ekki að þeirri staðreynd að línuívilnunin í frv. hæstv. sjútvrh. Árna M. Mathiesens nær ekki til línubáta sem róa með svokallaða trekt. Okkur er kunnugt um að línutrillur sem róa með trekt skapa jafnmikla atvinnu í landi og bátar þar sem beitt er í landi, balarnir.
Því spyr ég hv. þm. Kristin H. Gunnarsson: Er hér um yfirsjón að ræða við frumvarpsgerðina þar sem þetta hreinlega gleymdist? Ef ekki, hver er þá ástæðan fyrir því að frv. nær ekki til trektarbátanna?