[prenta uppsett í dálka] 50. fundur, 130. lþ.
Sigurður Kári Kristjánsson (andsvar):
Frú forseti. Ég kem í ræðustól til þess að gera athugasemdir við þann málflutning sem fram kom hjá hv. þm. Helga Hjörvar. Hann byrjaði á því að fara yfir mikilvægi þess að fyrirhugaðar álagsgreiðslur til formanna stjórnmálaflokka sem sitja á þingi mætti ekki persónugera við þá aðila sem um teflir og fjallaði um hversu óheppilegt væri að stilla málum upp með þeim hætti. Lunginn í ræðu hans snerist hins vegar um það hvaða réttindi embætti forsrh. mundi ávinna sér og sá málflutningur snerist í rauninni, og það veit þingmaðurinn, fyrst og fremst að einni ákveðinni persónu þannig að þingmaðurinn var að mæla gegn því að umræðunni yrði hagað með tilteknum hætti en gerði það síðan sjálfur í hinu orðinu.
