Herra forseti. Ég árétta það að þessi hópur stækkar og fjárhæðin hækkar í áföngum jafnt og þétt. Strax á fyrsta ári hækka þessi viðmiðunarmörk en fyrst og fremst vil ég halda því til haga að þeir sem eru með tekjur við skattleysismörk í dag greiða ekki þetta gjald né þeir sem eru undir 16 ára aldri, eru yfir sjötugt eða eru á hjúkrunarheimilum og dvalarheimilum. Þessir aðilar eru allir undanþegnir og sá hópur á eftir að stækka.