Hæstv. forseti. Hér er verið að ákveða að taka upp skólagjöld við þrjá háskóla, Háskóla Íslands, Kennaraháskólann og Háskólann á Akureyri, í því dulargervi að verið sé að fjalla um skráningargjöld. Niðurstaðan af þeirri hækkun þýðir að nemendur þurfa að nota 1/3 eftir skattgreiðslur af óskertum tekjum sínum, miðað við Lánasjóð íslenskra námsmanna, til að greiða þessar 45 þús. kr.

Við í Frjálslynda flokknum höfum viljað tryggja að jafnrétti væri til náms og mönnum ekki settur stóllinn fyrir dyrnar miðað við efnahag. Við munum greiða atkvæði á móti frumvörpunum.