Stjórn fiskveiða.
Virðulegi forseti. Við þekkjum það í gegnum tíðina frá því þetta kerfi var tekið upp 1984 að í þeim sjávarbyggðum sem standa best eru aðilar þar heima í héraði sem hafa unnið í þessu kerfi frá upphafi. Þeir hafa fjárfest í þessu kerfi. Það hefur orðið mikil breyting á eignarhaldi og segja má að 85% kvótans hafi skipt um hendur á þessum tíma. Ég er mjög stoltur af Sunnlendingum hvað þeir hafa verið duglegir að starfa í þessu kerfi og byggja upp atvinnu heima í héraði.